३ असाेज, काेहलपुर । नेपाली संगीतप्रेमीका लागि नयाँ सांगीतिक प्रस्तुति “तिर्सना”को म्युजिक भिडियो सार्वजनिक भएको छ। गायक ओम शर्मा र गायिका बिन्दु परियारको सुमधुर स्वरमा सजिएको गीतको म्युजिक भिडियो आज सार्बजनिक गरिएको हो ।

पत्रकार तथा गीतकार निरज निश्चलको शब्द र चर्चित संगीतकार दिपक शर्माको संगीतमा तयार भएको “तिर्सना” प्रेम, भावना र सांगीतिक मिठासलाई समेटिएको  छ भने भिडियोमा दुर्गा राणा मगर, नवीन जिसी, सम्झना खनाल र सफल डि.के.को अभिनय रहेको छ।

भिडियोमा कलाकारहरूको अभिनयमार्फत गीतको भावनालाई जीवन्त बनाउने प्रयास गरिएको निर्माण पक्षले जनाएको छ।

गीतको कन्सेप्ट, कथा तथा निर्देशन नवराज सुवेदीले गरेका छन्। कलाकार तथा प्राविधिक टोलीको मेहनत, सिर्जनशीलता र सहकार्यबाट म्युजिक भिडियोलाई आकर्षक बनाउने प्रयास गरिएको निर्देशक सुवेदीले बताए ।

‘तिर्सना’ म्युजिक भिडियो सार्वजनिक कार्यक्रममा कौशिल्या अस्पतालका कार्यकारी निर्देशक राम न्यौपाने, साहित्यकारहरु कपिल अन्जान, महेन्द्र सेढाई, देवकी निरौला, खोपिराम ओलि, विष्णु वेल्वासे लगाएतले भिडियाे बारे आफ्नाे धारणा राखेका थिए । स्थानियस्तरमै गुणस्तरीय सृजना उत्पादन गर्न सफल भएकाे भन्दै वक्ताहरूले “तिर्सना” टिमलाई बधाई समेत दिएका थिए ।