१८ जेठ, काठमाडौं । आसन्न संस्करणको लंका प्रिमियर लिग (एलपिएल) मा तीन नेपाली क्रिकेटरलाई देख्न पाइने भएको छ। यसपटकको एलपिएलमा सन्दीप लामिछाने, दीपेन्द्र सिंह ऐरी र कुशल भुर्तेललाई देख्न पाइने भएको हो।

सोमबार भएको ड्राफ्टमार्फत सन्दीप र दीपेन्द्रलाई जाफ्ना किंग्स तथा कुशललाई कोलम्बो क्याप्सले अनुबन्ध गरेको हो। योसँगै सन्दीपले २० हजार तथा दीपेन्द्र र कुशलले १५ हजार अमेरिकी डलर पुरस्कार पाउने छन्।

दीपेन्द्रलाई जाफ्ना किङ्सले र भुर्तेललाई कोलम्बो क्याप्सले खरिद गरेका हुन् । स्पिनर सन्दीप लामिछाने र दीपेन्द्र एउटै टिममा छनोट भएका छन् ।

सन्दीप लामिछाने गोल्ड क्याटेगोरीमा सर्टलिस्ट भएका थिए भने दीपेन्द्र र कुशल एसोसिएट्स क्याप विधाबाट छनोट गरिएका हुन् ।

एलपिएलको समयमा नेपालले विश्वकप लिग-२ सिरिज खेल्ने तालिका छ। एलपिएल १७ जुलाईदेखि सुरु हुनेछ।