बर्दियामा कार्यरत प्रमुख जिल्ला अधिकारी राम बहादुर कुरुम्वाङ इन्टिग्रेटी आइडल २०१८ मा  प्रथम बनेका छन् ।
निजामती कर्मचारीहरुलाई प्रदान गरिने सम्मानका लागि छनौट भएका पाँचजना मध्ये एसएमएस र अनलाइन मतका आधारमा प्रमुख जिल्ला अधिकारी राम बहादुर कुरुम्वाङ आइडलमा प्रथम भएका हुन्।
शुक्रबार काठमाडौंमा आयोजित कार्यक्रममा बर्दियाका प्रमुख जिल्ला अधिकारी कुरुम्वाङलाई प्रथम स्थान हासिल गरेकोमा सम्मान गरिएको हो । २०५५ सालबाट निजामती सेवामा रहेर प्रमुख जिल्ला अधिकारीको रुपमा विभिन्न  जिल्लामा रहेर काम गरिसकेका कुरुम्वाङ नागरिकको घरदैलोमा सरकारी सेवा, निडर र नागरिकप्रति जवाफदेही, भ्रष्टचारबिरोधी, जनप्रिय प्रशासक भनी आयोजकले चित्रण गरेको छ।
इन्टिग्रेटी आई्डलको सम्मानबाट सम्मानित भएपछि कुरा गर्दै कुरुम्वाङले आफूलाई जिताउन मदत गर्ने सम्पूर्ण सुभचिन्तकहरुलाई बिशेष धन्यवाद समेत दिएका छन ।