२८ असार, काेहलपुर । तमु ह्युल छोंज धीं (गुरूङ राष्ट्रिय परिषद) कोहलपुर इकाई समितिको अध्यक्षमा लक्ष्मी घले गुरूङ चयन भएकी छन्।

शनिबार कोहलपुरमा सम्पन्न परिषद्को १८औँ साधारणसभा तथा छैटौँ अधिवेशनबाट गुरूङको अध्यक्षतामा ११ सदस्यीय नयाँ कार्यसमिति सर्वसम्मत रूपमा चयन गरिएको हो।

नवगठित समितिको उपाध्यक्षमा प्रेम गुरूङ, सचिवमा रजनी लामा गुरूङ, सह-सचिवमा यामबहादुर घले, कोषाध्यक्षमा पार्वती लामा गुरूङ तथा सह-कोषाध्यक्षमा दिलमाया गुरूङ चयन भएका छन्।

त्यसैगरी समितिका सदस्यहरूमा टेकबहादुर गुरूङ, कुलबहादुर गुरूङ, ज्योति गुरूङ, यामराज गुरूङ र अमृता गुरूङ रहेका छन्।

अधिवेशनले नयाँ नेतृत्व चयनसँगै गुरूङ समुदायको भाषा, संस्कृति, परम्परा तथा पहिचान संरक्षण र संस्थागत गतिविधिलाई थप प्रभावकारी बनाउने प्रतिबद्धता व्यक्त गरेको बताईएकाे छ ।