१७ भदौ, काेहलपुर । दिदी-भिनाजुको झगडा छुट्याउन गएका युवाकाे हत्या भएको छ।

खजुरा गाउँपालिका-६, गिजरामा आइतबार राति दिदी र भिनाजुको झगडा भइरहेको बेला छुट्याउन पुगेका २२ वर्षीय अर्जुन रानामगरलाई भिनाजु दिपेश रामजालीले बियरको बोत्तल प्रहार गरेका थिए । गम्भीर घाइते भएका अर्जुनको नेपालगन्ज मेडिकल कलेजमा उपचारका क्रममा सोमबार मृत्यु भएको बाँके प्रहरीले जनाएको छ ।

प्रहरीका अनुसार घरायसी विवादकै कारण घटेको घटनामा संलग्न दिपेशलाई नियन्त्रणमा लिएर थप अनुसन्धान भइरहेको छ ।