कोहलपुर नगरपालिका-४ गप्फारपुरमा पटके रोगका कारण एकैदिन ३ वटा पशुचौपायाको मृत्यु भएको छ । अज्ञात रोगका कारण एकैदिन १ भौंसी र २ गोरुको मृत्यु भएपछि गप्फारपुरका स्थानियहरु चिन्तित भएका थिए । स्थानिय रमजान अलि डेडेवाले पालेका चौपायाको मृत्यु भएपछि पशु सेवा केन्द्र कोहलपुरबाट विशेषज्ञ झिकाएर परिक्षण गरिएको कोहलपुर वडा नं. ४ का वडा सदस्य सुरज जागाले जानकारी दिए ।
परिक्षण पछि पटके रोगका कारण पशुचौपायाको मृत्यु भएको खुल्न आएपनि हालसम्म उक्त रोगको कुनै भ्याक्सीन तयार नभएको विशेषज्ञले जानकारी दिएपछि स्थानियहरु झनै चिन्तित भएका छन । जागाका अनुसार ३ वटा चौपायामा पटके रोगको संक्रमण देखिएको छ ।
![](https://kanchulikhabar.com/wp-content/uploads/2018/08/38296708_120317298898725_5988474262317432832_n.jpg)
![](https://kanchulikhabar.com/wp-content/uploads/2018/08/38439973_120317205565401_3378459740760702976_n.jpg)
१७ श्रावण २०७५, बिहीबार १८:१५ प्रकाशित