युवा लेखक तथा पत्रकार कृष्ण आचार्यको उपन्यास ‘ब्लु डायरी’ सार्वजनिक भएको छ । शनिबार नेपाल प्रज्ञा प्रतिष्ठानमा एक कार्यक्रमका बिच उक्त पुस्तक सार्वजनिक भएको हो ।
पुस्तकलाई लेखक आचार्यसँगै अभिनेत्री गौरी मल्ल, पत्रकार तथा साहित्यकार अश्विनी कोइराला र पाठकका तर्फबाट कुशल घिमिरेले संयुक्त विमोचन गरेका हुन् ।
कार्यक्रममा बोल्दै अभिनेत्री मल्लले युवा पुस्ताको मन जित्न सक्ने पुस्तक बनेको बताइन् । ‘पुस्तकले सबै पक्षलाई समेट्ने प्रयास गरेको छ,’ प्रमुख वक्तासमेत रहेकी उनले भनिन्, ‘पुस्तकले कतै भाबुक त कतै उल्लासमय बनाउने क्षमता राखेको छ ।’
पत्रकार तथा साहित्यकार अश्विनी कोइरालाले पुस्तकले पाठकलाई कहिँ कतै अलमल हुन नदिने बताए । ‘पुस्तक सरल भाषामा प्रस्तुत भएको छ,’ उनले भने, ‘युवापुस्ताको मन जित्ने र पठन संस्कृतिकोे विकास गर्ने यस्तै पुस्तकले हो ।’
पुस्तकले प्रेम, जीवन र दर्शन बोकेको लेखक आचार्यले जानकारी दिए । साथै, पुस्तक पढेर प्रतिक्रिया दिन समेत आग्रह गरे । पुस्तकलाई बिएन पुस्तक संसारले बजारमा ल्याएको हो ।
१६ आश्विन २०७८, शनिबार १७:०० प्रकाशित
