दाङ – दाङमा एक जना व्यक्ति USA अटोमेटिक पेस्तोल सहित पक्राउ परेका छन् । पक्राउ पर्नेमा दाङ घोरीही उपमहानगरपालीका वडा नं। १३ बडहरा निवासी २७ वर्षिय बिर बहादुर चौधरी रहेको जिल्ला प्रहरी कार्यालय दाङले जनाएको छ । उनलाई शनिबार साँझ साढे सात वजेतिर अबैध हतियार बोकी हिडिराखेको छ भन्ने विशेष सूचनाको आधारमा कार्यालयबाट खटिएको बिशेष प्रहरी टोलीले नियन्त्रणमा लिएको हो । जिल्ला प्रहरी कार्यालय दाङले उनलाई आईतवार सार्वजनिक गरेको छ ।  अभियुक्त चौधरीलाई वडा नम्वर १५ बुद्धी ग्यारेज नजिकै फेला पारी रितपुर्वक खानतलासी गर्दा चौधरीकोे बायां तर्फ पाईन्टको बेल्टमा लुकाई छिपाई राखेको Made in USA लेखिएको ७.६५ क्यालिभरको पेस्तोल सहित म्याग्जिन १ थान,४ राउण्ड गोली र चौधरी सवार कालो रङको २२० सीसीको रा ४ प २४६६ नम्वरको मोटरसाईकल समेत बरामदर गरी अनुसन्धान भईरहेको जिल्ला प्रहरी प्रमुख कृष्णहरी शर्माले जानकारी दिएका छन् ।