कोहलपुर नगरपालिकाकी उप-प्रमुख सन्जु कुमारी चौधरीले फरक तरिकारले आफ्नो जन्मदिन मनाएकी छन । जन्मदिनको अवसर पारेर उप-प्रमुख चौधरीले आफ्नो सेवा सुविधाको केही रकम कटौती गरि असहाय तथा जेष्ठ नागरिकलाई सहयोग गरेकी छन ।
बिहिबार नेपालगञ्जस्थित नीलसागर आश्रममा पुगेकी चौधरीले त्यहाँ रहेका जेष्ठ अशक्त आमा बुवासँग आशिर्वाद लिएर फरक तरिकाले जन्मदिन मनाएकी हुन । अनावश्यक रुपमा भोज भतेर गर्ने गलत संकार विरुद्वको अभियानमा आफु प्रस्तुत भएको उप-प्रमुख थारुको भनाई छ । असाहय अशक्त तथा जेष्ठ नागरीकहरुको पुर्नस्थापनाका लागि स्थापना गरिएको नीलसागर केन्द्र पुगेर आर्थिक सहयोग गर्न पाउँदा छुट्टै आनन्दको अनूभूती भएको चौधरीले बताईन ।
निलसागर केन्द्रमै जन्मदिनको केक काटेकी चौधरीले त्यहाँ रहेका जेष्ठ तथा अशक्त नागरिकबाट टिका तथा आर्शिवाद समेत ग्रहण गरेकी थिईन । त्यसक्रममा चौधरीले केन्द्रमा रहेका बृद्धबृद्धाहरुकालागि आवश्यक शक्तिवद्र्वक हर्लिक्स समेत हस्तान्तरण गरेकी थिईन ।

बिभिन्न सहयोगी दाताको सहयोगबाट संचालनमा आएको निलसागर केन्द्रलाई थप ब्यवस्थित गर्न सक्दो सहयोग गर्ने बताउँदै उप-प्रमुख चौधरीले १५ हजार नगद समेत सहयोग स्वरुप उपलब्ध गराएकी छन ।
आप्mनै सन्तान र घरपरिवारबाट तिरस्कारको सिकाई भई वेवारिसे बनेका तथा मानसिक समस्याबाट ग्रस्त नागरीकको बारेमा सरकारले कुनै पनि सकारात्मक कदम चाल्न नसकेको अवस्थामा नीलसागरको महान अनि पवित्र कार्यलाई सबैले सहयोग गर्न उप-प्रमुख थारुले अपिल समेत गरिन ।
उनले भनिन्, ‘जन्मदिन तथा विशेष दिनमा अनावश्यक रुपमा खर्च गर्ने होडबाजी गर्नुभन्दा सामाजिक क्षेत्रमा सक्दो सहयोग गर्नुस् तपाईहरुको आत्माले छुट्टै खुशीको अनुभूती गर्नेछ ।’