कर्णाली प्रदेश सरकारले डा. गोविन्द केसीको आमरण अनसनका क्रममा कर्णाली स्वास्थ्य विज्ञान प्रतिष्ठानमा भएको झडपबारे छानविन गर्न कार्यदल गठन गरेको छ ।
शनिबार बसेको प्रदेश सरकारको मन्त्रिपरिषद् बैठकले मुख्यमन्त्री तथा मन्त्रीपरिषद कार्यालयका सचिव कलानिधि पौडेलको नेतृत्वमा कार्यदल बनाएको हो ।
आन्तरिक मामिला तथा कानुन मन्त्रालयका उपसचिव भक्तवहादुर कार्की र समाजिक विकास मन्त्रालयको स्वास्थ्य महाशाखा प्रमुख बृषवहादुर शाही रहेको कार्यदललाई एकहप्ताभित्र प्रतिवेदन पेश गर्न भनिएको हो ।
अनसनरत डा। केसीलाई काठमाडौं ल्याउन प्रहरी बल प्रयोग गर्ने क्रममा अस्पतालमा तोडफोड गर्नुका साथै झडप भएको थियो । त्यसक्रममा एक प्रहरी पनि घाइते भएका थिए ।
स्रोत : अनलाइनखबर
२६ श्रावण २०७५, शनिबार २१:४५ प्रकाशित
