२३ साउन, कोहलपुर । काठमाण्डौंबाट नेपालगन्ज हुँदै बैतडीकालागी उडेको अन्नपूर्ण एयरलाइन्सको हेलिकप्टर बाँकेमा आकस्मिक अवतरण गरीएको छ । बुधबार दिउँसो साढे ४ बजे बैतडी उडेको उक्त हेलिकप्टर बाँकेको राप्तीसोनारीमा आकस्मिक अवतरण गरेको हो ।
प्रतिकुल मौसमका कारण आकस्मिक अवतरण गराइएको उक्त हेलिकप्टर अहिले नजिकैको सशस्त्र ब्यारेकमा राखीएको प्रहरीले जनाएको छ ।
मौसमको खराबीका कारण सो हेलिकप्टर आकस्मिक अवतरण गरिएको जिल्ला प्रहरी कार्यालय बाँकेका डीएसपी नारायण डाँगीले बताए । काठमाडौँबाट नेपालगन्ज लागि उडेको उक्त हेलिकप्टर नेपालगन्जपछि बैतडी जाने योजना रहेको उनले पुष्टि गरेका छन ।
तस्वीर : शारदा खुना
२३ श्रावण २०८१, बुधबार १७:३३ प्रकाशित
