कर्णाली प्रदेशका प्रमुख तिलक परियारलाई नेपालगन्जस्थित राझाँ विमानस्थलमा भब्य स्वागत गरीएको छ । काठमाण्डौंबाट सुर्खेत जाने क्रममा शुक्रबार बिहान नेपालगन्ज बिमानस्थल आईपुगेको परियारलाई नेता तथा कार्यकर्ताहरुले स्वागत गरेका हुन ।

मन्त्रिपरिषद्को निर्णयअनुसार गत मंगलबार राष्ट्रपति विद्यादेवी भण्डारीले कर्णाली प्रदेशमा परियारसहित प्रदेश १ मा परशुराम खापुङ र सुदूरपश्चिम प्रदेशमा देवराज जोशीलाई प्रदेश प्रमुखमा नियुक्त गरेकी थिईन ।

राष्ट्रपति भण्डारीले नेपाल सरकार, मन्त्रिपरिषद्को मिति २०७८/७/२२ गतेको बैठकको निर्णय एवं सिफारिसमा नेपालको संविधानको धारा १६३ को उपधारा (२) बमोजिम तिन प्रदेशको प्रदेश प्रमुख नियुक्त गरेकी थिईन ।

नव नियुक्त प्रदेश प्रमुख परियारले आजै सुर्खेत पुगेर पदभारग्रहण गर्ने कार्यक्रम रहेको बताईएको छ ।