सवारी बोकेको जिप दुर्घटना हुँदा बर्दियामा १ जनाको मृत्यु भएको छ । बर्दियाको भुरिगाउँबाट गुलरियातर्फ जाँदै गरेको भे१ज ८७९ नम्बरको बलेरो जिप ठाकुरबाबा नगरपालिका ३ जम्तिमा बिहिबार दिउँसो दुर्घटनामा परेको थियो ।
साईकल यात्रीलाई बचाउन खोज्दा अनियन्त्रित भई सडक देखी १७ फिट तल खसेको जिपमा सवार १ जनाको मृत्यु भएको छ भने अन्य १० जना घाईते भएका छन । दुर्घटनामा गमभीर घाईते भएकी मधुबन नगरपालिका वडा नं. ५ बस्ने ८० वर्षिय रुप्सी कुमालको उपचारको क्रममा मृत्यू भएको जिल्ला प्रहरी कार्यालय बर्दियाले जनाएको छ ।
दुर्घटनामा घाईते भएका अन्य १० जनाको कोहलपुरस्थित नेपालगन्ज मेडिकल कलेजमा उपचार भईरहेको छ । जिप दुर्घटना भएलगत्तै फरार भएका जिपका चालक सुर्खेत घर भई हाल जिल्ला बर्दिया ठाकुरबाबा नगरपालिका वडा नं. ३ बस्ने पहर सिंह बडवाललाई नियन्त्रणमा लिएर कारबाही प्रक्रिया अगाडी बढाएको प्रहरीले जनाएको छ ।
दुर्घटनामा घाईते हुनेहरुको नामावली यस प्रकार रहेको छ ।:
१) जिल्ला बर्दिया गेरुवा गा.पा. ३ बस्ने वर्ष १९ को मनिराम थारु
२) जिल्ला बर्दिया मधुवन न.पा. ५ बस्ने वर्ष ७५ को धनिराम कुमाल
३) जिल्ला बांके नेपालगंज उ.म.न.पा. २ बस्ने वर्ष ३० की भावना के.सी.
४) जिल्ला बर्दिया गेरुवा गा.पा. ४ बस्ने वर्ष ६४ को नर प्रसाद काफ्ले
५) जिल्ला बर्दिया गेरुवा गा.पा. ३ बस्ने वर्ष १८ को सनम थारु
६) जिल्ला बर्दिया राजापुर न.पा. ४ बस्ने वर्ष ६१ को खुशीराम थारु
७) जिल्ला बर्दिया ठाकुरबाबा न.पा. ३ बस्ने वर्ष ५४ की भुन्टि थारु
८) जिल्ला बर्दिया मधुवन न.पा. ९ बस्ने वर्ष २० को आशिष थारु
९) जिल्ला बर्दिया मधुबन न.पा. ६ बस्ने वर्ष २३ की सोनम बि.क.
१०) जिल्ला बर्दिया गुलरिया न.पा. ७ बस्ने वर्ष ७० को चक्रपाणी घिमिरे
२१ आश्विन २०७८, बिहीबार १९:५५ प्रकाशित
