कोहलपुरमा पछिल्लो समय चोरीको घटना बढ्दै गएका छन । हरेक दिनजसो साना-ठुला चोरीका घटना सार्वजनिक हुनुले यस क्षेत्रको सुरक्षा ब्यवस्थालाई ठुलै चुनौती दिएको छ । तर कतिपय घटनामा भने प्रहरीको सक्रियता तारिफयोग्य छ ।
आईतबार राती कोहलपुर नगरपालिका वडा न. ११ दश बिगाह नजिकैबाट हराएको स्कुटी कोहलपुर प्रहरीले १२ घण्टा भित्रै फेला पार्न सफल भएको छ । राती करिब ११/१२ बजेको समयमा दश बिगाह नजिकै पार्क गरी राखेको भे ७ प ९४५० नं. को स्कुटी हराएको थियो । स्कुटी धनि प्रतिमा खड्काले ईलाका प्रहरी कार्यालय कोहलपुरमा निवेदन दिए लगत्तै स्कुटीको खोजीमा जुटेको कोहलपुर प्रहरीले सोमाबार बिहान कोहलपुर न्यूरोडस्थित खुल्ला मैदानमा स्कुटी फेला पार्न सफल भएको हो । ईलाका प्रहरी कार्यालय कोहलपुरका अनुसार फेला परेको उक्त स्कुटी सम्बन्धि ब्यक्तीलाई बुझाईएको छ ।