होटल ब्यवसायी संघ बाँकेको चुनावी सरगर्मी बढेको छ । पुष ११ गते हुने अधिवेशनबाट नयाँ नेतृत्व चयन हुने भएकाले उम्मेदवारी घोषणा गर्ने क्रम सुरु भएको छ । आइतबार साझा समावेशी समुहले संघको निर्वाचनकालागि उमा ग्राण्डन डाँगीको नेतृत्वमा उम्मेदवारी घोषणा गरेको छ ।

उक्त समुहको बरिष्ठ उपाध्यक्षमा प्रेम खत्री, उपाध्यक्षमा गोपाल गिरी, महासचिवमा घनश्याम थापा क्षेत्री, सचिवमा रतन बुढाक्षेत्री, कोषाध्यक्षमा टिकाप्रसाद खनाल र सह-कोषाध्यक्षमा जुना कंडेल रहेका छन् ।

यसैगरी सदस्यहरुमा कल्पना लामा, कर्ण बहादुर शाही, राम गोपाल वैश्य, अनिता लामा, लक्ष्मीराज शाही, इन्द्र बहादुर थापा, दुर्गा कडेल र राजेन्द्र गोविन्द सोनी रहेका छन् । होटल व्यवसायी संघको १५ औं साधारणसभा तथा नवौं अधिवेशनका लागि आस्थागतरुपमा मुख्यरुपले नेपाली काँग्रेस र नेकपा निकट व्यवसायीबीच चुनाव हुने लक्षण देखिएको छ । आस्थागत हिसावले घोषणा गरिएको प्यानल नेपाली काँग्रेस निकट भएपनि आफुहरु कुनै पार्टीगत आस्थागत आधारमा नभई बिशुद्ध व्यवसायीहरुको हकहितका लागि चुनावमा उत्रिएको उक्त समूहका अध्यक्ष प्रेम खरेलले दाबी गरे ।