बागेश्वरी बहुमुखि क्याम्पस कोहलपुरका बिद्यार्थीहरुले मध्यपश्चिम बिश्वबिद्यालयमा उत्पन्न बिभिन्न समस्याका बारेमा आफुहरुको ध्यानाकर्षण भएको बताएका छन ।
मध्यपश्चिम बिश्वबिद्यालयमा आन्दोलनरत बिद्यार्थी नेताहरुलाई प्रशासन र प्रहरीले श्रृंखलाबद्ध रुपमा गिरफ्तार र धरपकट गरेको भन्दै कोहलपुर स्थित बागेश्वरी बहुमुखी क्याम्पसका बिद्यार्थीहरुले प्रेस बिज्ञप्ती जारी गरेको स्वतन्त्र बिद्यार्थी यूनियनका अध्यक्ष दिनेश के.सी. ले बताए । यहि मिती २०७५ मंसिर २४ गते बिश्वबिद्यालयका स्वबियू सभापति झक्क बहादुर शाही, सचिव भरत शाही कोषध्यक्ष सुशिल भट्ट लाई अपहरण शैलिमा गिरफ्तार गरिएको भन्दै आफुहरुको ध्यायनाकर्षण भएको बिज्ञप्तीमा उल्लेख गरिएको छ ।
शान्तिपुर्ण आन्दोलनरत बिद्यार्थीहरुलाई वार्तामा बोलाई समस्या समाधान गर्नुको सट्टा उल्टै बिद्यार्थी नेताहरुलाई श्रृंखलाद्ध रुपमा धरपपकट गर्ने बिश्वबिद्यालय प्रशासनको रबैया गैरजिम्मेवार पुर्ण रहेकाकले आफुहरु प्रेस बिज्ञप्ती निकाल्न बाध्य रहेको सहसचिव सुमन घिमिरेले जनाए । घिमिरेले भने ‘बिश्वबिद्यालय प्रशासन र प्रहरी प्रशासनले गिरफ्तार गरिएका सबै बिद्यार्थी नेताहरुलाई अबिलम्ब रिहाईको माग गरेका छौँ । अन्यथा सम्पूर्ण विद्यार्थीहरु कडा संर्घषमा उत्रिन बाध्य हुनेछौं ।’