२४ भदौ, कोहलपुर । जेन-जी युवाहरूले कोहलपुर नगरपालिकामा आगजनी गरेका छन्। मंगलबार बिहानैदेखि प्रदर्शन गरिरहेका उनीहरूले कोहलपुर नगरपालिकामा आगजनी गरेका हुन्।

आन्दोलन स्थलमा रहेका सुरक्षाकर्मीहरू भने सबै फिर्ता भइसकेका छन्।

त्यसैगरी नेपालगन्ज उपमहानगरपालिकामा समेत आगजनी गरीएको छ । बिहानैदेखि उपमहानगरपालिका अगाडि प्रदर्शन गरीरहेका जेन-जी युवाहरू उपमहानगरपालिका कार्यालयमा आगलागी गरेका हुन ।

अहिले सयौँ जेन-जी प्रदर्शनका लागि सडकमा निस्किएका छन् । युवाहरूले नेपालगन्जमा रहेका नेपाली कांग्रेस र नेकपा एमालेको पार्टी कार्यालयमा समेत आगजनी गरेका छन् । बाँकेमा नेपाल प्रहरीले संयमता अपनाउँदा अप्रिय घटना हुनबाट रोकिएको छ ।

साथै कोहलपुर नगरपालिकाका सवारी साधनमा पनि आगलागी भएको छ । युवाहरू नगरभित्र प्रवेश गरी सवारी साधनमाथि आगलागी गरेका हुन् ।