२४ भदौ, काठमाडौं । बालकोटस्थित प्रधानमन्त्री केपी शर्मा ओलीको निवासमा आगजनी र तोडफेड गरिएको छ । जेनजी प्रदर्शनका क्रममा उत्रिएका प्रदर्शनकारीहरूले ओली निवासमा पनि आगजनी र तोडफोड गरेका हुन्।

सोमबार भएको जेनजी प्रदर्शनका क्रममा १९ जनाले ज्यान गुमाएपछि आज विहानैदेखि आन्दोलनको चाप बढेको हो ।

आन्दोलनमा प्रहरीले गोली चालाएको थियो । उक्त गोली लागेर दुई जना घाइते भएका छन् ।

आन्दोलनकारीहरुले एमालेका महासचिव शंकर पोखरेल, रघुवीर महासेठ र गोकुल बास्कोटा लगायतको घरमा समेत आगजनी गरेका थिए ।

अहिले प्रदर्शनकारीहरूले राजनीतिक दलका नेताहरूको निजी निवास र सरकारी कार्यालयहरूलाई लक्षित गरी ढुंगामुढा एवं आगजनीहरू गरिरहेका छन ।