२२ चैत्र, कोहलपुर । तक्षशिला एकेडेमीमा अध्ययनरत १२ कक्षाका विद्याथीहरुलाई विद्यालयले बिदाई गरेको छ । बाँकेको कोहलपुर १० मा रहेको उक्त विद्यालयले बुधबार एक कार्यक्रमका बिच कक्षा १२ मा अध्यनरत विद्यार्थीहरुलाई बिदाई गरेको हो ।

कक्षा ११ मा अध्यनरत विद्यार्थीहरुले आफु भन्दा सिनियर ब्याजका साथीहरुलाई मायाको चिनोका साथ विदाई गरेका हुन । सो अवसरमा विद्यालयले समेत विद्यालयमा अध्ययन गरि विदाई भएर जाने विद्यार्थीहरुको उज्जवल भविष्यको कामना गर्दै अध्यनमा ईमान्दारीका साथ लागेर आफु, आफनो परिवार , विद्यालय र समाजको नाम उचो राख्न प्रेरणा मिलोस भन्ने कामना गरेको छ ।

विद्यालयमा अध्यनरत विद्यार्थीहरुले आ आफ्नो प्रतिभा प्रस्तुति समेत गरेको कार्यक्रममा बिद्यालयका अध्यक्ष बिष्णु प्रसाद बेल्बासे, प्रधानाध्यापक मुकुन्द्र बिक्रम शाह, शिक्षक किसोर अधिकारी र निलकन्ठ घिमिरे लगाएतले शुभकामना ब्यक्त गरेका थिए ।

तक्षशिला एकेडेमी कोहलपुरमा +२ तर्फ म्यानेजमेन्टमा होटल म्यानेजमेन्ट र कम्प्युटर विषय अध्यापन हुँदै आइरहेको छ। कोहलपुरमा उत्कृष्ट विद्यालयको रुपमा रहेको यस विधालयमा राम्रो अध्यापन हुने भएकाले बिद्यार्थीहरुको पहिलो रोजाइ हुने गरेको अभिभावकहरुले बताएका छन ।