प्युठान जिल्लाको ऐरावती गाउँपालिका वडा नम्बर ६ मा १७१७ मत खसेको छ । कुल २९९९ मतदाता रहेको यो वडामा तीनवटा मतदान केन्द्रमा गरेर १७१७ मत खसेको हो ।
शान्ति प्राबि बैरेनी दमारमा ९४२ मतदाता मध्ये ५२५, जनप्रीय प्राबि हात्तिपाइलामा ७४७ मध्ये ४८२ र जनता माबि च्युरापानीमा १३१० मध्ये ७१० गरेर जम्मा १७१७ मत खसेको मतदान अधिकृतहरुले जानकारी दिएका छन ।
यो वडामा राष्ट्रिय जनमोर्चाको तर्फबाट भरत खड्का, नेकपा एमालेबाट डिल बहादुर राउत र स्वतन्त्रबाट ईन्द्र बहादुर खड्का अध्यक्ष पदका लागि चुनावी मैदानमा उत्रिएका छन ।
गाउँपालिका भित्रका सबै मतदान केन्द्रबाट मत पेटिका आउने बित्तिकै आजै रातीबाट मतगणना कार्य शुरु गरिने निर्वाचन अधिकृत बिरेन्द्र प्रकाश खड्काले जानकारी दिए ।
३० बैशाख २०७९, शुक्रबार १७:३२ प्रकाशित
