काठमाडौं वसुन्धारास्थित एक गेष्ट हाउसमा प्रेमिकाको हत्या गरेर प्रेमी फरार भएका छन् । केहि दिन अगाडि भएको घटना बल्ल सार्वजनिक भएको हो । श्रीमान्–श्रीमती भनेर भदौ ७ गते देखि वसुन्धारास्थित स्पीड गेष्ट हाउसमा धादिङका १८ वर्षीय लक्ष्मी परियार र २२ वर्षीय अनिल परियार बस्दै आएका थिए ।
तर १३ गतेबाट कोठा बन्द भएपछि १५ गते होटल सञ्चालकले प्रहरीलाई जानकारी गराएका थिए । १३ गते बाहिरिएका अनिल नआएपछि प्रहरीले १५ गते कोठामा हेर्दा लक्ष्मी मृत अवस्थामा भेटिएकी हुन् । पोष्टमार्टमको रिपोर्ट नआएकाले हत्या कसरी भयो भन्न नसकिने प्रहरीले जनाएको छ । हत्यामा संलग्न भनिएका अनिल फरार रहेको र अनुसन्धानका साथै फरार अनिलको खोजी भईरहेको प्रहरीले जानकारी दिएको छ ।
१७ भाद्र २०७५, आईतवार १७:५१ प्रकाशित
