३१ साउन, काठमाडौं । रास्वपा सभापति रवि लामिछाने लाई रुपन्देही कारागारबाट ललितपुरको नख्खु कारागारमा सरुवा गरीएको छ । लामिछाने १ सय २६ दिन भैरहवा कारागार बसेर आज नख्खु सरुवा भएका हुन ।

लामिछानेलाई भैरवाबाट बुद्ध एयरको जहाजबाट काठमाडौं लगिएको छ । उनलाई कारागार व्यवस्थापन विभागको निर्णय अनुसार आज नख्खु लागिएको हो ।

बुटवलको सुप्रिम सहकारी ठगी प्रकरणमा पुर्पक्षका लागि लामिछाने गत चैत २५ देखि रुपन्देही कारगारमा थिए ।

उनले गत जेठमै नख्खु कारागारमा सरुवाका लागि निवेदन दिएका थिए ।

उनले गत जेठ १४ गते रुपन्देही जिल्ला अदालतमा कारागार सरुवाका लागि निवेदन दिएका थिए । अदालतले जेठ १६ गते अनुमति दिएको थियो ।