२१ जेठ, कोहलपुर । बाँकेको कोहलपुर नगरपालिकाले निरन्तर चौथो पटकसम्म १६ औं जिल्ला स्तरिय राष्ट्रपति रनिङ्ग शिल्ड प्रतियोगिताको उपाधि जित्न सफल भएको छ ।

लगातार तिन वर्ष उपाधि जितेर ह्याट्रिक गरेको कोहलपुर यस वर्ष पनि १८ स्वर्ण, १० रजत र १४ कास्य पदक सहित प्रथम स्थान हासिल गर्न सफल भएको छ ।

कोहलपुर नगरपालिका नगर प्रमुख पूर्ण प्रसाद आचार्यले कोहलपुरले आफ्नो अस्तित्व बचाउन सफल भएको भन्दै खेलाडी, प्रशिक्षक, कोहलपुर खेलकुद विकास समितिका पदाधिकारी, जनप्रतिनिधि, कर्मचारी सबैमा हार्दिक आभार सहित धन्यवाद दिएका छन् ।

‘पालिकाले गरेको लगानीको प्रतिफल खेलाडिले फिल्डमा देखाएका छन्’ उनले भने, ‘जसले थप उर्जा मिलेको छ ।’ कोहलपुरलाई खेलकुद ग्रामका रुपमा विकसित गर्ने संकल्प लिएको नगर प्रमुख आचार्यले बताए ।

खेलकुदले सामाजिक विकृति, कुसंस्कृति र कुलत जस्ता असामाजिक गतिविधिहरुमा न्यूनिकरण गर्न खेलकुदले समेत सघाउन पु¥याउने उनको भनाई थियो ।