आईतबार भएकाे समापन कार्यक्रमका प्रमुख अतिथि तथा कोहलपुर नगरपालिकाका प्रमुख पूर्ण प्रसाद आचार्य र नगर खेलकुद विकास समिति संयोजक चक्र चिमाला क्षेत्रीले संयुक्त रुपमा च्याम्पीयन बनेको कृष्ण माविलाई शिल्डसहित नगद ७५ हजार, मेडल र प्रमाण पत्र हस्तान्तरण गरेका थए ।

यस्तै साइनिङ्ग स्टार माविले आवितर्फ द्धितीय हुन सफल भएको छ । २ स्वर्ण ल्याएर द्धितीय हुन सफल भएको हो । द्धितीय हुनेलाई नगद १५ हजार नगद सहित मेडल र प्रमाण पत्र प्राप्त गरेको छ ।

समापन समारोहमा बोल्दै कार्यक्रमका प्रमुख अतिथि कोहलपुर नगरपालिका प्रमुख आचार्यले कोहलपुरलाई खेलकुद हवको रुपमा विकास गर्ने बताए । ‘खेलकुदका क्षेत्रमा गरेको लगानीको प्रतिफल आज कृष्ण माविले देखाएको छ,’ उनले भने, ‘यसलाई निरन्तर दिनु नैै चूनौति हो ।’ कोहलपुर नगरपालिकामा हरेक विद्यालयमा ग्रसरुटबाट खेलकुदका गतिविधिहरु सञ्चालन गर्ने योजना सहित अगाडी बढेको उनको भनाई थियो ।

यस्तै कोहलपुर नगरपालिका उपप्रमुख संगिता सुवेदीले कोहलपुरलाई क्रिकेटको माध्यमबाट पहिचान बनाउनुपर्नेमा जोड दिएकी थिइन् । प्रस्तावित अन्तराष्ट्रिय क्रिकेट मैदान नै कोहलपुरमा हुँदा क्रिकेटमार्फत पनि पहिचान बनाउन सफल हुन ग्रासरुटबाट नै तालिमको आवश्यक रहेको सुवेदीको भनाई थियो ।

यस्तै कोहलपुर नगर खेलकुद विकास समितिका संयोजक चक्र चिमाला क्षेत्रीले खेलकुद सम्पन्न गर्न सहयाेग गर्ने सबै प्रशिक्षक, मुल आयोजक समिति, जनप्रतिनिधि, कर्मचारी, पत्रकार, खेलकुदप्रेमी लगायत सम्पूर्ण खेल शिक्षक र विद्यार्थीहरुलाई कृतज्ञता व्यक्त गरेका थिए । आगामी खेलकुदका गतिविधिहरुमा सबैका साथ, सहयोग र सल्लाह दिनुहुने सबैमा धन्यवाद दिँदै आगामी दिनहरुमा अझै थप हौसला र उर्जा थपिने उनको भनाई थियो ।