६ माघ, काेहलपुर ।हवल्दारपुर कृषि हाट बजार सञ्चालक समितिको अध्यक्षमा नर बहादुर केसी (नरेश) निर्वाचित भएका छन । समितिकाे चौथो वार्षिक साधारण सभाबाट केसी अध्यक्षमा निर्वाचित भएका हुन ।

जम्मा ६ जना मतदातामध्ये केसीले ३ मत प्राप्त गरेका हुन भने उनकी प्रतिद्वन्द्वी अबध रानी थारुले १ मात्र मत प्राप्त गरेकी थिईन । २ मत भने बदर भएकाे निर्वाचन समितिका संयोजक शशेन्द्र शाहीले जानकारी दिए ।

समितिकाे सदस्यहरुमा राम बहादुर खत्री, सुस्मा थारु, तुलसा सुनार र हरिकला मगर भने निर्विरोध निर्वाचित भएका छन् ।

निर्वाचन समितिले निष्पक्ष र पारदर्शी रुपमा निर्वाचन सम्पन्न गरेकोमा अध्यक्ष केसीले धन्यवाद व्यक्त गरेका छन् । नयाँ नेतृत्वले कृषि हाट बजारलाई थप व्यवस्थित र प्रभावकारी बनाउने केसीले दावी गरेका छन ।