९ पुस, कोहलपुर । नेपाल कम्युनिष्ट पार्टी (माओवादी केन्द्र) कोहलपुर नगर समितीको तेस्रो नगर अधिवेशनको तयारी तिब्र पारीएको छ । पुष १२ र १३ गते हुने अधिवेशनको तयारी तिब्र पारीएको नेकपा माओवादी केन्द्र कोहलपुर नगर समितीका अध्यक्ष अवराज खड्काले जानकारी दिएका छन ।

नगर अधिवेशनको उद्घाटन माओवादी केन्द्रका महासचिव देब प्रसाद गुरुङले गर्ने भएका छन । कोहलपुर शित भण्डारको सभाहलमा हुने उद्घाटन शत्रमा महासचिव गुरुङ सहितका केन्द्रिय तथा प्रदेश स्तरका नेताहरु सहभागी हुने खड्काले बताए ।

“भ्रष्टाचार अन्त्य र शुसासनकालागी हाम्रो अभियान, संगठन सुदृढिकरण र बिकासकालागी तेस्रो नगर अधिवेशन” भन्ने मुल नाराका साथ हुने अधिवेशनको उद्घाटन समारोह अघि खबरदारी र्याली समेत निकालिने अध्यक्ष खड्काले जानकारी दिए ।

उनका अनुसार अधिवेशनकालागी वडाबाट प्रतिनिधी छनौट लगाएतका प्रक्रिया सम्पन्न भईसकेका छन । अधिवेशनबाट नयाँ नेतृत्व चयन हुने बताईएको छ । नगर अध्यक्षकालागी बिभिन्न नेताहरुले आकाक्षीं देखिएकाले निर्वाचन प्रणालीबाटै नेतृत्व चयन गर्ने तयारी भईरहेको खड्काले जानकारी दिए ।