१३ माघ, काेहलपुर । बाँकेकाे बैजनाथमा जारी प्रथम बैजनाथ महोत्सवमा आज चर्चित गायक हेमन्त शर्मा आउने भएका छन । उनिसँगै प्रिति आले, शाेभा त्रिपाठी र माेडल तथा डान्सर टीका जैशी आउने आयाेजकले जनाएकाे छ ।

माघ १० गतेदेखि बैजनाथ गाउँपालिका ५ न्यू सिटिको खुल्ला मैदानमा जारी महाेत्सवमा शुक्रबार लोकदोहोरी गायक बद्री पंगेनीको प्रस्तुती रहेको थियो । महोत्सवको तेस्रो दिन चर्चित लोकदोहोरी गायक पंगेनीको प्रस्तुतीमा दर्शकहरुले भरपुर मनोरन्जन लिएका थिए । बद्रीले बजारमा चर्चा पाएका लोक गित मार्फत दर्शकहरुलाई भरपुर मनोरन्जन दिलाएका थिए ।

महोत्सवको तेस्रो दिनमा दर्शकको भीड लागेको छ भने महोत्सवमा राखिएका स्टलहरुमा ब्यापार समेत बढेको छ । महोत्सवमा जाडोयामका लत्ता कपडा, घरायसी सामाग्री किन्नेको भीड लागेको छ ।

“कृषि, पर्यटन, उद्योग र उत्पादन संस्कृक्तिको पहिचान । विकास र सम्मृद्धि बैजनाथको अभियान” भन्ने मुल नाराकासाथ संचालन भैरहको प्रथम बैजनाथ तथा छैटौं प्रादेशिक, औधोगिक लघु घरेलु तथा प्रविधि प्रदर्शनी व्यापार एवं पर्यटन महोत्सव माघ २१ गतेसम्म संचालन हुने आयाेजकले जनाएकाे छ ।