मंसिर २९, काेहलपुर । काेहलपुर प्रहरीले गाैतम बुद्धकाे बहुमुल्य मुर्तिसहित पक्राउ परेका २ जनालाई सार्वजनिक गरेकाे छ ।
बिहिबार ईलाका प्रहरी कार्यालय काेहलपुरमा पत्रकार सम्मेलनकाे आयाेजना गरी प्रहरीले राप्तिसाेनारी गाँउपालिका २ अगैयाबाट बहुमुल्य मुर्तिकाे काराेबार गरीरहेकाे अवस्थामा पक्राउ परेका पाँचथरकाे मिकलाजुन गाँउपालिका वडा नं. ७ का ५० वर्षिय झमेन्द्र प्रसाद रेग्मी र गाेरखाकाे भिमसेन थापा गाँउपालिका वडा नं. १ बस्ने ३२ वर्षिय देब बहादुर मग्रातीलाई सार्वजनिक गरेकाे हाे ।
उनिहरूकाे साथबाट कालाे पदार्थले रंगाएकाे पँहेलाे धातुले बनेकाे गाैतम बुद्धकाे ६ किलाे ४२० ग्राम ताैल भएकाे पुरानाे मुर्ति फेला परेकाे ईलाका प्रहरी कार्यालय काेहलपुरका प्रमुख डिएसपी ऐन बहादुर मल्लले जानकारी दिए ।
पक्राउ परेका दुबै जना उपर प्राचीन स्मारक सम्बन्धि कसुरमा मुद्दा दर्ता गरी अनुसन्धान भईरहेकाे मल्लले जानकारी दिए ।
२९ मंसिर २०७९, बिहीबार १५:२१ प्रकाशित
