फोटो: बुद्धिमान वलीको फेसबुकबाट
रोल्पामा आज बेलुका भएको बस दुर्घटनामा परी चार जनाको मृत्यु भएको छ भने १७ जना घाइते भएका छन ।
दाङको घोराहीबाट रोल्पाको थवाङ जादै गरेको ना ३ ख ५५१८ नम्बरको बस रोल्पाको माडी ४ तार्केवाङमा दुर्घटनामा परेको थियो । बस सहिद मार्गबाट माडी खोलामा खसेको प्रहरीले जनाएको छ ।
हालसम्म ४ जनाको शव भेटिएको र घाइतेको संख्या १७ पुगेको प्रहरीले बताएको छ । अन्यको खोजी कार्य र उद्दार जारी रहेको छ । बसमा कति यात्रु थिए भन्ने अझै नखुलेको प्रहरीले जनाएको छ ।
२ मंसिर २०७८, बिहीबार २०:४२ प्रकाशित
