जुवा खेल्दै गरेको अवस्थामा फेला पारेपछि बर्दिया प्रहरीले ६ जना जुवाडेलाई आफ्नो फन्दामा पारेको छ ।
प्रहरीले मंगलबार मधुवन नगरपालिका वडा नम्बर ६, बुद्धनगरटोलस्थित झक्कु सुनारको घरमा जुवा खेल्दै गरेको अवस्थामा घरधनी सुनारसहित ६ जना जुवाडेलाई नियन्त्रणमा लिएको बर्दिया प्रहरीले जनाएको छ ।
उक्त स्थानमा जुवातास खेलिरहेको भन्ने सुचना प्राप्त भएपछि इलाका प्रहरी कार्यालय ढोढरीका प्रहरी निरीक्षक राजनकुमार गौतमको कमाण्डमा गएको प्रहरी टोलीले घरधनी झक्कु सुनार, सोही ठेगानाका लालबहादुर बिष्ट र बलबीर सुनार, मधुवन ८ का ईश्वरराज बिक, केशवराज अधिकारी र तिर्थ बिकलाई नियन्त्रणमा लिएको हो ।
प्रहरीले उनिहरुको साथबाट ९१ हजार ९ सय ५५ रुपैयाँ नगद र तास बरामद गरेको जनाएको छ । प्रहरीले पक्राउ परेका सबैलाई जुवा सम्बन्धि कसुरमा म्याद थप गरी अनुसन्धान गरिरहेको जनाएको छ ।