रियल जुसको बट्टा भित्र कोरेक्स राखेर भारतीय बजार रुपैडिहाबाट नेपाल ल्याउदै गर्दा बाँके प्रहरीले एकजना लाई पक्राउ गरेको छ ।
इलाका प्रहरी कार्यालय जमुनाहा र लागू औषध नियन्त्रण व्युरो शाखा नेपालगन्जबाट खटिएको संयुक्त प्रहरी टोलीले बिहिवार जमुनाहा नाकाबाट बीरेन्द्रनगर नगरपालिका वडा नम्बर ३ का ३० बर्षिय बबिन शाहीलाई पक्राउ गरेको हो ।
शाहीको साथबाट प्रहरीले १/१ लीटरवाला दुई वटा रियल जुसको बट्टा भित्र २ लिटर लागू औषध कोरेक्स र १५ ट्याब्लेट नाइट्रोभ्याट बरामद गरेको जनाएको छ । पक्राउ परेका शाहीमाथी थप अनुसन्धान गरिरहेको प्रहरीले जनाएको छ ।