प्रेस सेन्टर नेपाल, रोल्पा शाखाको अध्यक्षमा देवी गुरुङ निर्वाचित भएकी छिन । जिल्लाको पाचौं अधिवेशनले गुरुङलाई सर्वसम्मत रुपमा अध्यक्षमा निर्वाचित गरेको हो ।
अधिवेशनले अध्यक्षमा गुरुङसहित २१ सदस्यीय जिल्ला कार्य समिति सर्वसम्मत रुपमा चयन गरेको छ । उपाध्यक्षमा रेशम बिक र स्मृति रोकामगर, सचिवमा भरत नेपाली, कोषाध्यक्षमा बुद्धिमान वली, सह-सचिवमा अशोक वली परिवर्तन र चन्द्र रोकामगरलाई चयन गरेको छ ।
त्यसैगरी, सदस्यहरूमा क्रमशः विमलराज डागी, रमेश डागी, जुनिसकुमार बिष्ट, लोकेन्द्र सेन, मिलन रोकामगर, सिर्जना सेन, दिपक पुन, अस्मिता बुढा, जंग मगर, बन्दना घर्तिमगर, आशिष डागी, जनक गुरुङ, तेजवीर विसी र खुम सुनार चयन भएका छन ।