बाँकेको कोहलपुरमा झुण्डिएको अवस्थामा एक जनाको शव भेटिएकोछ । कोहलपुर नगरपालिका वडा नं. १३ को सिमरी गाउँ नजिकै रहेको जङ्गलमा अन्दाजी ४५ वर्षीय पुरुषको शव फेला परेको इलाका प्रहरी कार्यालय कोहलपुरले जनाएको छ ।
मंगलबार दिउँसो रुखमा झुन्डिएको अवस्थामा शव फेला परेको हो । मृत अवस्थामा फेला परेका पुरुषको पहिचान खुल्न सकेको छैन । शवलाई प्रहरीले पोस्टमार्टमका लागि भेरी अस्पताल नेपालगन्ज पठाएको छ ।
स्थानीयले जंगलमा पुरुषको शव देखेपछि प्रहरीलाई खबर गरेका थिए । घटनाको बारेमा अनुसन्धान सुरु गरीएको प्रहरीले जनाएको छ ।
२ कार्तिक २०७८, मंगलवार १९:४२ प्रकाशित
