नेपालगन्जबाट मोटरसाईकलमा सल्यान पुगेका एक युवा कटुवा पेस्तोल सहित पक्राउ परेका छन । भारतीय नम्बर प्लेटको बाइकमा सल्यान तर्फ जादै गरेका नलगाड नगरपालिका-४ जाजरकोटका २८ वर्षीय गणेश रावल कटुवा पेस्तोल र गोली सहित पक्राउ परेका हुन ।
भारतीय सी एच ०१ बी पी २१९४ नम्बरको मोटसाइकलमा सवार रावल सल्यानको वनगाड कुपिण्डे नगरपालिका १ सल्ली स्थित प्रहरी चेक पोईन्टमा नरोकी भागेका थिए ।
रावललाई बनगार कुपिण्डे नगरपालिका-१ माथिल्लो बजारबाट १ थान कटुवा पेस्तोल र सोही पेस्तोलमा लाग्ने दुई राउण्ड गोलीसहित पक्राउ गरीएको प्रहरीले जनाएको छ । मोटरसाइकलको सिट मुनी कटुवा पेस्तोल र गोली लुकाएको अवस्थामा फेला परेका रावलमाथी थप अनुसन्धान भइरहेको प्रहरीले जनाएको छ ।
शंकास्पदरूपमा उनी भागेपछि ईलाका प्रहरी कार्यालय देवस्थल सल्यानबाटबाट मोटरसाईकलमा खटिएको प्रहरी टोलीले माथिल्लो सल्ली बजारबाट उनलाई पक्राउ गरेको कर्णाली प्रदेश प्रहरी कार्यालय सुर्खेतले जनाएको छ ।
१६ भाद्र २०७८, बुधबार १८:३२ प्रकाशित
