प्युठानमा बुधबार थप ५६ जना कोरोनाका नयाँ बिरामी थपिएका छन । ६७ जना निको भएका छन भने २ जनाको मृत्यु भएको छ ।
स्वास्थ्य कार्यालय प्युठानका अनुसार, बुधबार जिल्लाका विभिन्न स्थानका थप ५६ जना व्यक्तिमा कोरोना भाइरस संक्रमण पुष्टि भएको छ । योसँगै जिल्लामा हालसम्म संक्रमित हुनेको संख्या २ हजार २६३ पुगेको छ ।
त्यसैगरी आजै ६७ जना संक्रमितहरु कोरोना मुक्त भइ डिस्चार्ज भएका छन । आज निको भएका समेत जिल्लामा कोरोना मुक्त हुनेको संख्या १ हजार ६२७ पुगेको छ । अब जिल्लामा ५ सय ९९ जना सक्रिय संक्रमित उपचाररत रहेका छन ।
कोरोना संक्रमणका कारण आज दुई जनाले ज्यान गुमाएका छन । योसँगै जिल्लामा हालसम्म ३७ जनाको कोरोनाका कारण ज्यान गएको स्वास्थ्य कार्यालयले जनाएको छ ।