कोहलपुर-सुर्खेत सडकखण्ड अन्तर्गत बबईमा बोलेरो गाडी दुर्घटनाग्रस्त भएको छ । सुर्खेतदेखी नेपालगन्जतर्फ आउँदै गरेको बा.प्र. ३००१/००२ च ३१६९ नम्वरको बोलेरो गाडि शुक्रबार विहान ९ः३० वजे बवई नजिकै दुर्घटनामा परेको हो ।
बाँकलो तुवाँलोका कारण सडक नदेखिदा गाडी अनियन्त्रित भएर सडकदेखि करिव ५ मिटर तल खोल्सामा खसेको थियो । सो बोलेरो गाडिमा तिन जना यात्रु सवार रहेका थिए । सवार हुनेमा वीरेन्द्रनगर नगरपालिका १० बस्ने बिष्णु मल्ल, सोहि ठाउँ बस्ने बिमला मल्ल र चालक मध्यपश्चिमाञ्चल विश्वविद्यालयका पुर्व रजिष्टार महेन्द्र कुमार मल्ल रहेका थिए ।
उनिहरुलाई चोटपटक लागेपनि अबस्था भने सामान्य रहेको बताईएको छ । गाडि भने पुर्ण रुपमा क्षतिग्रस्त भएको छ । घाईते तिनै जनालाई उपचारको लागि एम्बुलेन्समा नेपालगञ्ज ल्याईएको छ ।
१६ माघ २०७७, शुक्रबार १७:५० प्रकाशित
