कोहलपुर क्षेत्रमा क्रियाशिल लायन्स क्लबको आयोजनामा शनिबार कोहलपुरमा बृहत रक्तदान कार्यक्रम सम्पन्न भएको छ । कोहलपुर नगरपालिकाका प्रमुख लुट बहादर रावतले रक्तदातालाई रक्तथैलि हस्तान्तरण गर्दै रक्तदान कार्यक्रमको उदघाटन गरेका थिए ।
लायन्स लिडरहरु, स्थानिय बुद्विजिवी, ब्यापारी लगायत ७५ जनाले रक्तदान गरेको कार्यक्रममा ७५ प्वाइन्ट रगत संकलन भएको लायन यभियानकर्ता एल.बि. क्षेत्रिले जानकारी दिए । संकलित रगत नेपाल रेडक्रस सोसाइटी कोहलपुरको रक्त सञ्चार केन्द्रमा जम्मा गरिएको छ ।
कार्यक्रमको उद्घाटन गर्दै नगर प्रमुख रावतले रक्त अभाबले कसैको पनि उपचार हुन नपाई अकाल मृत्यु नहोस भन्ने अभिप्रायले आयोजित रक्तदान कार्यक्रमलाई अभियानकै रपमा लैजानुपर्ने बताए । उनले रगत अभाबका कारण जटिल सल्यक्रिया गर्न कठिन भइरहेको परिप्रेक्ष्यमा लाइन्स क्लबले स्वयमसेवी तथा परोपकारी कार्य गरेको भन्दै स्रहाना ब्यक्त गरे ।