जेठ १९, काठमाण्डौं । बाँकेको नेपालगञ्जस्थित सेतु विक चोकमा रहेको सहिद सेतु विकको शालिक तोडफोड भएको छ । धम्बोजी चोकमा पूर्वराजा वीरेन्द्रको शालिक राख्न खोज्ने समूहले विकको शालिक तोडफोड गरेको प्रहरीले जनाएको छ ।

स्थानीय प्रशासनले पूर्व राजाको शालिक राख्न नदिने आदेश गरेपछि प्रहरीले पूर्वराजा समर्थकलाई रोकेको थियो । त्यसक्रममा प्रहरीमाथि ढुंगामुढा भएपछि अश्रुग्याँस र हवाई फायर गरिएको जिप्रका बाँकेका डीएसपी मधुसुदन न्यौपानेले बताए । प्रहरीको हस्तक्षेपपछि तितरवितर भएका पुर्वराजाका समर्थहरुले सेतु विक चोकमा रहेको विकको शालिक तोडफोड गरेका हुन ।