३ चैत्र, नरैनापुर । राप्ती नदीमा डुबेर एक जना बालकको मृत्यु भएको छ । शनिवार अपराह्न साढे ४ बजे बाँकेको नरैनापुर गाउँपालिका-६ का पल्टु बर्माका १२ वर्षीय छोरा रवि बर्मा भैंसी चराउन गएको बेला राप्ती नदीमा डुबेर बेपत्ता भएका थिए ।

बेपत्ता भएको खबर पाए लगत्तै सशस्त्र प्रहरी बल गंगापुरका इन्चार्ज सशस्त्र प्रहरी निरीक्षक सुरेन्द्र भण्डारीसहित सशस्त्र प्रहरीकै विपद व्यवस्थापनको टोलीले खोजतलासका क्रममा आईतबार बिहान रविको शवलाई राप्ती नदीबाट निकालेको हो ।

सशस्त्र प्रहरीले मृतक बालकको शवलाई पोष्टमार्टमका लागि नेपालगन्जस्थित भेरी अस्पताल पठाईएको जानकारी दिएको छ ।