प्रधानमन्त्री केपी शर्मा ओलीविरुद्ध आपत्तिजनक अभिव्यक्ति दिने नेपाली कांग्रेसका प्रदेश सांसद नरोत्तम बैद्यविरुद्ध आपराधिक दुरुत्साहनको जाहेरी दर्ता भएको छ ।
जिल्ला प्रहरी कार्यालय मकवानपुरमा वैद्यविरुद्ध आपराधिक दुरुत्साहनमा जाहेरी दर्ता भएको मकवानपुर प्रहरी प्रमुख एसपी सोमेन्द्रसिंह राठोरले जानकारी दिए ।
संसद बैठकमा दुई दिनअघि सांसद बैद्यले बोल्दै प्रधानमन्त्री ओलीविरुद्ध आवश्यक परे आफू नाथुराम गोड्से पनि बन्न तयार रहेको बताएका थिए ।
मकवानपुर राष्ट्रिय युवा संघका सदस्य अनिल काफ्लेले जाहेरी दर्ता गराएका हुन् ।
उनले संविधानको धारा १७ (१) र फौजदारी संहिता अनुसार बैद्यले बोलेको बिषयले आपराधीक दुरुत्साहन हुने दाबी गर्दै जाहेरी दिएका हुन । चर्को आलोचना भएपछि बैद्यले शनिबार सार्वजनिकरुपमा माफी समेत मागेका थिए ।
३० जेष्ठ २०७८, आईतवार १९:३६ प्रकाशित
