बाँकेको राप्तीसोनारी गाउँपालिका वडा नं. ९ ढकेरी स्थित सिमलचोकमा बिहीबार ट्याक्टर दुर्घटना हुँदा एक जनाको ज्यान गएको छ । भे.१ .त ७९९१ नम्बरको ट्याक्टर दुर्घटना हुँदा सोही वडाको महादेवाका ३२ वर्षीय दिपक पुनमगरको मृत्यु भएको प्रहरी बिट ढकेरीका इन्चार्ज प्रहरी सहायक निरीक्षक कुल बहादुर बमले जानकारी दिए ।
ट्याक्टरमा राखेको माटो खसालेर ट्याक्टर घुमाउन खोज्दा अनियंत्रित भइ नालीमा खसेका पुनको च्यापिएर ज्यान गएको थियो । मृतक ट्याक्टरको चलक रहेको खुल्न आएको छ । शवको पोष्टमर्टमाका लागि भेरी अस्पताल नेपालगन्ज पठाइएको र घटना बारे अनुसन्धान भईरहेको प्रहरीले जनाएको छ ।
१६ बैशाख २०७८, बिहीबार २०:५२ प्रकाशित
