इलाका प्रहरी कार्यालय धनौली, खजुराले ब्राउनसुगर सहित भदौ २९ गते बेलुका तीन जनालाई पक्राउ गरेको जनाएको छ । ईलाका प्रहरी कार्यालय धनौली, खजुरा बांकेबाट खटिएको प्रहरी गस्तीले जिल्ला बाँके खजुरा गा.पा. वडा नं. ५ स्थित नेपालगंज गुलरीया सडक खण्डको चाईना ईट्टा उद्योग नजिकबाट जिल्ला बाँके जानकी गा.पा. वडा नं. ३ बस्ने बर्ष ६२ को राम धिरज सिंह, सोही गा.पा. वडा नं. ४ बस्ने बर्ष ४० को लक्ष्मण लोनिया र बैजनाथ गा.पा. ८ बस्ने बर्ष ४६ को पर्शुराम गडरीयालाई शंका लागी चेकजाँच गर्ने क्रममा निजहरुको साथबाट १ ग्राम (१००० मिलि ग्राम) ब्राउनसुगर बरामद गरी थप अनुसन्धानको लागि भदौ ३१ गते म्यादथप गरी इलाका प्रहरी कार्यालयको हिरासतमा राखिएको प्रहरीले जनाएको छ ।