बाँकेको नेपालगन्जमा आइतबार बेलुका दुई समुहबिच झडप भइ खुकुरी हानाहान हुदा दुई जना गम्भिर घाइते भएका छन् । नेपालगन्ज उप-महानगरपालिका वडा नम्बर १ धम्बोझी चोकमा दुई समुहबिच झडप भएको जिल्ला प्रहरी कार्यालय बाकेका मुद्दा  फाटका इन्चार्ज प्रहरी निरीक्षक रण बहादुर बिष्टले बताए । खुकुरी प्रहारबाट नेपालगन्ज उपमहानगरपालिका वडा नम्बर ८ निवासी सुरेश कुर्मी र नेपालगन्ज उपमहानगरपालिका वडा नम्बर १ धम्बोझी बस्ने रोशन महतरा गम्भिर घाइते भएका हुन । गम्भीर घाईते मध्ये सुरेश कुर्मीलाई नेपालगन्ज मेडिकल कलेज शिक्षण अस्पताल नेपालगन्जमा उपचार हुन नसके पछि लखनउ रिफर गरिएको प्रहरीले जनाएको छ । त्यसै गरि अर्का घाइते रोशन महतराको नेपालगन्ज मेडिकल कलेज शिक्षण अस्पताल कोहलपुरमा उपचार भइ रहेको छ ।
खुकुरी प्रहार गरेको आशंकामा प्रहरीले खजुरा गाउँ पालिका वडा नम्बर १ का दिपक थापालाई पक्राउ गरेको छ । घटनास्थलबाट खुकुरी पनि बरामद गरेको प्रहरीले जनाएको छ ।
खुकुरी प्रहार गर्ने अन्यको खोजी भइ रहेको प्रहरी निरीक्षक बिष्टले बताए ।