बाँकेको खजुरामा तिज महोत्सवलाई मध्यनजर गर्दे आज सरसफाई गरीएको छ । लाएन्स र लियो क्लब अफ नेपालगन्ज-खजुराको मुख्य आयोजनामा हुन लागेको तिज महोत्सवको पुर्वसन्ध्यामा धनौली प्रहरी चौकि देखि खजुराको सम्पुर्ण बजारको सरसफाई गरीएको हो । लायन्ससँगै इलाका प्रहरी कार्यालय धनौली, दङ्गा नियन्त्रण गण खजुरा तथा अन्य सस्थाहरु सबै मिलेर सरसफाई गरीएको अयोजक समितिका सरसफाई उप समितिका संयोजक तोजेन्द्र कुमार विकले जानकारी दिए ।

खजुरामा भोलि हुन लागीरहेको तिज महोत्सवलाई भव्यता दिन आवश्यक सम्पुर्ण तयारी पुरा गरिएको आयोजकले जनाएको छ । महोत्सवमा परम्परागत लाखे नाँच, पन्चेबाजा, सामुहिक तथा एकल नृत्य प्रतियोगिता मुख्य आर्कषकका रुपमा रहेको खजुरा तिज महोत्सवका संयोजक गिता सापकोटाले जानकारी दिईन ।
प्रतियोगितामा परम्परागत तथा मौलिक तिज गितलाई प्राथमिकता दिइएको आयोजकले जनाएको छ । महोत्सवमा सामुहिक नृत्य र एकल नृत्य प्रतियोगिता समेत हुने बताईएको छ ।