नेपालगन्जको स्वस्तिक होटलबाट दुर्लभ वन्यजन्तु रेडपाण्डाको छाला सहित एक जना पक्राउ परेका छन । जिल्ला प्रहरी कार्यालय बाँकेबाट खटिएको प्रहरी टोलीले होटलको १०३ नम्बर कोठाबाट बाजुरा कार्तिस्वामी गाँउपालिका बस्ने जगिन्द्र बहादुर शाहीलाई रेडपाण्डाको छाला सहित नियन्त्रणमा लिएको हो ।
प्रहरीका अनुसार गोप्य सुचनाको आधारमा होटलमा छापा मार्दा शाही बासेको कोठाबाट ३७ ईन्च लामो रेडपाण्डाको छाला बरामद गरिएको थियो । रेडपाण्डाको छाला सहित पक्राउ परेका शाहीलाई आवश्यक कारवाहीकालागि डिभिजन बन कार्यालय बाँकेमा बुझाईएको जिल्ला प्रहरी कार्यालय बाँकेले जानकारी दिएको छ ।