अबैध रुपमा यार्सागुम्बा ओसार पसार गर्दै आएका एक ब्यक्तिलाई बाँके प्रहरीले नियन्त्रणमा लिएको छ । डोल्पाबाट नेपालगन्जस्थित राँझा विमानस्थलमा झरेका डोल्पा ठुलो भेरी नगरपालिका-६ निवासी श्रवण कुमार बुढालाई ठुलो मात्रामा अबैध यार्सागुम्बा सहित नियन्त्रणमा लिएको बाँके प्रहरीले जनाएको छ ।
विशेष सुचनाका आधारमा विमानस्थलभित्रै खानतलासी गर्ने क्रममा बुढाको साथबाट ६ किलो १ सय ग्राम यार्सागुम्बा बरामद गरिएको प्रहरीले जनाएको छ ।
बरामद गरिएको यार्सागुम्बा आवश्यक कारबाहीकालागी जिल्ला वन कार्यालय बाँकेमा बुझाईएको प्रहरी स्रोतले जनाएको छ ।
१७ भाद्र २०७५, आईतवार १९:५६ प्रकाशित
