बँदेलकोलागि राखिएको पासोमा परि राप्ती सोनारी-१ का शंकर नेपाली घाईते भएका छन् । १४ वर्षिय घाईते नेपालीलाई उद्धार गरि नेपागन्जस्थित सिद्धार्थ अस्पतालमा पुर्याईएको र हाल उनको उपचार भईरहेको ईलाका प्रहरी कार्यालय कोहलपुरले जनाएको छ ।
ईलाका प्रहरी कार्यालय कोहलपुरका अनुसन्धान अधिकृत मानबहादुर विसिका अनुसार अबैध सिकारकालागि पासो लगाएको आरोपमा हिरालाल खुना पक्राउ परेका छन् । प्रहरीले घटनास्थलबाट भरुवा बन्दुक, छर्रा ३२ वटा, १५ वटा गोली, बारुद ३ सय ग्राम, ७ थान चेक र बन्दुकमा लगाउने तेल सहित खुनालाई पक्राउ गरेको हो ।