गएराती देखि परेको अविरल बर्षाको कारण खसेको पहिरोले घर पुरिँदा प्युठानमा एक जना बेपत्ता भएका छन् । पहिरोमा परी गौमुखी गाउँपालिका ४ जाडगाउँका ३९ बर्षिय झग बहादुर सुनार बेपत्ता भएका हुन् । बुधबार बिहान करीब ७ वजेतिर घरमाथिवाट खसेको पहिरोमा सुनार बेपत्ता भएको जिल्ला प्रहरी कार्यालय प्यूठानले जनाएको छ । बेपत्ता भएका सुनारको खोजी कार्य जारी रहेको छ । साथै सोही ठाउँका स्थानीय देब बहादुर सुनार र रमेश सुनारको समेत घरगोठ पहिरोले पुरेको बताईएको छ। अहिले जिल्ला प्रहरी कार्यालय प्युठानको टोली घटनास्थल पुगि प्रहरी र स्थानीयद्धारा बेपत्ता भएका सुनारको उद्धार तथा खोजिकार्य भइरहेको प्रहरीले जनाएको छ। घटनाको क्षतिको विवरण आउने क्रम जारी छ ।