१५ असार, काेहलपुर । कोहलपुरमा सहोदर दाइको हत्या गरेको आरोपमा भाइ पक्राउ परेका छन् ।

२६ वर्षीय मनोज चौधरीको हत्या गरेको आरोपमा कोहलपुर नगरपालिका-४ गोहवा बस्ने २० वर्षीय विनोद चौधरीलाई पक्राउ गरिएको प्रहरीले जनाएको छ । प्रहरीका अनुसार यहि असार १४ गते साँझ करिब ७ बजे बिनोदले आफ्ना दाइकाे कुटपिट गरी हत्या गरेका थिए। हत्या गरेपछि उनले शव नहरमा फालेर फरार भएको प्रारम्भिक अनुसन्धानबाट खुलेको प्रहरीले जनाएको छ।

घटनापछि फरार रहेका चौधरीलाई साेमबार बिहान करिब ६:३० बजे भारततर्फ भाग्दै गरेको अवस्थामा बाँकेको कोहलपुर नगरपालिका-१५ चन्हवाबाट प्रहरीले पक्राउ गरेको हो।

घटनाबारे थप अनुसन्धान भइरहेको जिल्ला प्रहरीले जनाएको छ।

मृतक चौधरीको शव पोस्टमार्टमका लागि भेरी अस्पताल, नेपालगञ्ज पठाइएको छ।

थप अनुसन्धान भइरहेको प्रहरीले जनाएको छ ।