२२ साउन, नेपालगन्ज । नेपालगन्ज-भारत सीमा क्षेत्र रुपैडिहामा एक युवाको शव वेवारीसे अवस्थामा फेला परेको छ । वार्ड नम्बर १० रामजानकीस्थित खाली घरको बगैचामा अन्दाजी २४ वर्षित युवाको शव भेटिएको हो । शवको पहिचान खुल्न सकेको छैन । अनुहारको बनावट अनुसार युवक नेपाली भएको आशंका गरीएको छ ।

घटनास्थलमा प्रहरी पुगेर शवको पहिचानको प्रयास गरिरहेको स्थानिय संचारकर्मी सन्तोष शुक्लले जानकारी दिएका छन । मृतकको अनुहारमा चोटको निसान देखिएको छ भने करिब एक-दुई दिनअघि नै मृत्यु भएको अनुमान गरिएको छ ।

घटनाबारे थप विवरण आउन बाँकी छ ।